作者:沙龍娛樂

来源:http://sp1388.net/160/.html

沙比阿朗素職業生涯效力過皇家蘇斯達、利物浦、皇家馬德里、拜仁慕尼黑幾間球會 (及曾外借伊巴) ,每支球隊都踢過幾季,但佢最愛嘅始終係充滿激情同「基情」嘅利物浦,因為佢唔單止喺呢度經歷「伊斯坦堡奇蹟」,仲邂逅佢嘅「一生中最愛」謝拉特 (誤) 。

https://i.imgur.com/1oum3UW.png

呢位喺上季尾退休嘅36歲球星,喺利物浦度過五個成功嘅球季,喺2005歐聯決賽中,佢哋扭轉0-3落後嘅劣勢,追成3-3平手並喺互射12碼階段擊敗AC米蘭,拎到歐聯冠軍。喺經典嘅「伊斯坦堡之夜」,年輕嘅沙比阿朗素同謝拉特喺全球球迷見證之下,情深一吻,成為永恆經典,你話沙比阿朗素點會忘記利物浦呢?

https://i.imgur.com/Al5JGTR.png

最近有記者問佢有冇諗過將來要執教利物浦,沙比阿朗素就話:「梗係想啦,呢個係夢想嚟,不過我需要先證明自己同埋準備好。」

「如果我決定要去某個地方嘗試做一個領隊,我同利物浦之間關係良好、願意為佢哋獻身、對球隊有激情。Why not?睇下我哋有冇咁嘅緣份啦。」

 

https://i.imgur.com/jg5lZkU.jpg

阿朗素嘅好兄弟謝拉特,比起佢更早起步,依家已經係利物浦U18嘅主教練。阿朗素就覺得自己應該好難同到呢位前紅軍隊長做同事,因為佢應該會更快成為紅軍嘅主帥。

「我諗Stevie (阿朗素對謝拉特嘅親密稱呼) 會快過我,咁係好自然嘅事。佢已經喺入面教緊波,所以我估佢會快過我做利物浦主帥。」